Ein gwaith a'n heffaith

Fel llais annibynnol y dinesydd ar gyfer iechyd a gofal cymdeithasol, rydym yn gwrando ar bobl, yn cynrychioli eu barn, ac yn sicrhau bod eu profiadau yn llywio penderfyniadau ynghylch gwasanaethau, polisïau a newidiadau yn y dyfodol.

Gwrando ar bobl

Rydym yn casglu barn a phrofiadau gan bobl, teuluoedd, gofalwyr a chymunedau ledled Cymru. Rydym yn clywed beth sy'n gweithio'n dda, lle mae angen gwelliannau a beth sydd bwysicaf i bobl wrth gael mynediad at wasanaethau iechyd a gofal cymdeithasol.

Rydym yn arbennig o ymroddedig i glywed gan bobl nad yw eu lleisiau bob amser yn cael eu clywed wrth wneud penderfyniadau.

Dylanwadu ar benderfyniadau

Rydym yn rhannu'r hyn y mae pobl yn ei ddweud wrthym gyda'r sefydliadau sy'n gyfrifol am gynllunio, darparu a gwella iechyd a gofal cymdeithasol.

Rydym yn sicrhau bod penderfyniadau a wneir gan fyrddau iechyd, ymddiriedolaethau'r GIG, awdurdodau lleol, partneriaethau rhanbarthol, rheoleiddwyr a'r llywodraeth yn cael eu llywio gan brofiadau go iawn a blaenoriaethau cymunedol.

Rydym hefyd yn cyhoeddi adroddiadau, yn rhannu tystiolaeth ac yn darparu adborth parhaus i'r rhai sy'n gwneud penderfyniadau fel bod lleisiau pobl yn helpu i lunio gwasanaethau.

Cefnogi newid ystyrlon

Pan gynigir newidiadau sylweddol i wasanaethau iechyd a gofal cymdeithasol, mae pobl yn haeddu'r cyfle i ddeall beth sy'n cael ei gynnig a chael dweud eu dweud.

Rydym yn chwarae rhan bwysig mewn newidiadau i wasanaethau. Rydym yn casglu ac yn cyflwyno profiadau, pryderon a blaenoriaethau pobl, yn cefnogi ymgysylltu â chymunedau ac yn helpu i sicrhau bod y rhai sy'n gwneud penderfyniadau yn deall effaith bosibl y cynigion ar y bobl sy'n defnyddio'r gwasanaethau.

Nid ydym yn gwneud penderfyniadau ynghylch newidiadau i wasanaethau, ond rydym yn gweithio i sicrhau bod lleisiau'r cyhoedd yn cael eu clywed drwy gydol y broses.

Cynrychioli barn pobl

Rydym yn gwneud sylwadau i sefydliadau sy'n gyfrifol am iechyd a gofal cymdeithasol pan fydd adborth gan y cyhoedd yn tynnu sylw at faterion pwysig neu gyfleoedd i wella.

Rydym hefyd yn cyfrannu at ymgynghoriadau, gan gynnwys y rhai a arweinir gan Lywodraeth Cymru a sefydliadau cenedlaethol a lleol eraill, gan ddefnyddio tystiolaeth a gasglwyd o gymunedau ledled Cymru.

Cefnogi pobl pan fydd pethau'n mynd o'i le

Pan fydd pobl yn profi problemau gyda gwasanaethau'r GIG neu ofal cymdeithasol, mae ein gwasanaeth eiriolaeth annibynnol ar gyfer cwynion yn darparu cymorth am ddim ac yn gyfrinachol.

Mae ein heiriolwyr hyfforddedig yn helpu pobl i ddeall eu hopsiynau, codi pryderon a llywio'r broses gwyno.

Effaith ein gwaith

Mae profiadau pobl yn helpu i lunio sgy Boed yn dylanwadu ar wasanaethau'r dyfodol, yn llywio ymgynghoriadau, yn tynnu sylw at bryderon, yn nodi arfer da neu'n cefnogi unigolion i leisio eu barn, mae ein gwaith yn helpu i sicrhau bod pobl yn parhau i fod wrth wraidd iechyd a gofal cymdeithasol yng Nghymru.