Asesiad Sicrwydd Cenedlaethol Mamolaeth a Newyddenedigol

Yn dilyn adroddiad Llais ar brofiadau pobl o wasanaethau mamolaeth yn Abertawe a Chastell-nedd Port Talbot yn gynharach yn y flwyddyn, cyhoeddodd Ysgrifennydd y Cabinet, Jeremy Miles, y byddai asesiad sicrwydd cenedlaethol o wasanaethau mamolaeth yn cael ei gynnal.

Mae Llywodraeth Cymru bellach wedi comisiynu Panel Goruchwylio Annibynnol i gynnal Asesiad Sicrwydd Mamolaeth a Newyddenedigol Cymru Gyfan gynhwysfawr.

Bydd yr asesiad hwn yn canolbwyntio ar fod yn flaengar, wedi'i gynllunio i roi sicrwydd i Ysgrifennydd y Cabinet dros Iechyd a Gwasanaethau Cymdeithasol ynghylch a yw gwasanaethau'n darparu gofal diogel, o ansawdd uchel a thosturiol, ac a yw dysgu o adolygiadau blaenorol yng Nghymru a ledled y DU wedi'i ymgorffori'n effeithiol.

Bydd lleisiau a phrofiadau menywod, rhieni a theuluoedd, a'r gweithlu mamolaeth a newyddenedigol yng Nghymru wrth wraidd yr Asesiad Sicrwydd Cenedlaethol Mamolaeth a Newyddenedigol.

Mae'r Panel Goruchwylio Annibynnol a benodwyd i gynnal yr asesiad yn cynnal ystod o sesiynau gwrando ledled Cymru. P'un a yw'n gadarnhaol neu'n fwy heriol, nod y panel yw dal ystod lawn o brofiadau diweddar o ofal mamolaeth a newyddenedigol, sy'n cynrychioli pob cymuned.

Mae gan Llais gynrychiolydd ar banel Rhanddeiliaid yr Asesiad Mamolaeth ac ar Grŵp Ymgynghorol Lleisiau Teulu a Chymunedol. Os oes gennych brofiad o wasanaethau mamolaeth i'w rannu, gallwch ddarganfod mwy am sut i gymryd rhan yma: Helpwch ni i sicrhau bod gwasanaethau mamolaeth a newyddenedigol yn eich ardal chi yn gwella - Perfformiad a Gwelliant GIG Cymru