Dewch i weithio i ni

Byddwch yn rhan o Llais a helpwch ni i godi pŵer a dylanwad lleisiau pobl i lunio gwasanaethau iechyd a gofal cymdeithasol i ddiwallu anghenion pawb.

Mae Llais yn gorff cenedlaethol, annibynnol a sefydlwyd gan Lywodraeth Cymru i roi llais i bobl Cymru yn y ffordd maen nhw'n derbyn eu gwasanaethau iechyd a gofal cymdeithasol.

Mae popeth a wnawn yn unol â'n gwerthoedd o uniondeb, cydweithio a bod yn berson-ganolog.

Rydym wedi ymrwymo i roi pobl a chymunedau wrth wraidd popeth a wnawn.

Ein rôl yw ymgysylltu â phobl Cymru a gwrando arnyn nhw. Rydym yn gwneud hyn drwy estyn allan at bobl yn eu cymunedau lleol, clywed eu barn a deall eu profiadau o iechyd a gofal cymdeithasol. Rydym yn rhoi adborth ar yr hyn a glywn i wneuthurwyr penderfyniadau er mwyn helpu i lunio a dylanwadu ar y gwasanaethau y mae pobl yn eu derbyn nawr ac yn y dyfodol.

Trosolwg swydd

Ymunwch â nii fel Swyddog Cyllid

Lleoliad: Rôl Genedlaethol

Band a Chyflog: Band 4, £28,819.00 - £31,626.00       

Math o Gontract: Sylfaenol

Oriau: 37.5

Mae hwn yn rôl hybrid, gyda gwaith o bell ac o'r swyddfa. Bydd angen i ddeiliad y swydd hefyd fod a’r gallu i deithio.

Mae'r gallu i gyfathrebu yn Gymraeg yn dymunol

Sefydliad: Llais – Corff Llais y Dinasyddion ar gyfer Iechyd a Gofal Cymdeithasol

Ydych chi'n angerddol am wneud newid go iawn ym maes iechyd a gofal cymdeithasol? Ydych chi'n credu ym mhŵer lleisiau pobl i lunio gwasanaethau gwell? Os felly, rydyn ni eisiau clywed gennych chi!

Beth wnei di:

• Bod wrth wraidd ein gwasanaeth cyllid, gan gefnogi cydweithwyr ledled Cymru a helpu i sicrhau bod arian cyhoeddus yn cael ei reoli'n gyfrifol. 
• Gweithio o fewn tîm cyllid bach ochr yn ochr ag arweinwyr cyllid profiadol, gan ennill profiad gwerthfawr o gyfrifeg reoli, adrodd ariannol, llywodraethu a gwella prosesau.
• Helpu i ddarparu gwybodaeth ariannol gywir ac amserol sy'n cefnogi gwneud penderfyniadau gwell ar draws y sefydliad. 
• Cadw ein prosesau ariannol yn rhedeg yn esmwyth, cynnal rheolaethau cryf, datrys ymholiadau a sicrhau bod trafodion yn cael eu cwblhau'n gywir. 
• Cefnogi cyflawni gweithrediadau cyllid yn effeithlon gan ddefnyddio systemau ariannol, Excel i brosesu a rheoli data yn gywir, gan gefnogi cysoniadau, adrodd a gwella prosesau'n barhaus.
• Canfod cyfleoedd i wella sut rydym yn gweithio, gan gyfrannu syniadau sy'n gwneud ein prosesau cyllid yn symlach, yn fwy craff ac yn fwy effeithlon. 
• Meithrin perthnasoedd gwych gyda chydweithwyr, cyflenwyr a rhanddeiliaid, gan ddarparu gwasanaeth cyllid proffesiynol ac ymatebol.

Gweithio i'n sefydliad

Rydym yn chwilio am bobl angerddol a medrus o bob cefndir sy'n dod â phrofiadau bywyd gwahanol a fydd yn helpu i newid y ffordd ydym yn meddwl. Rydym yn croesawu ceisiadau gan ymgeiswyr amrywiol a all ddod â sgiliau newydd, profiadau byw a safbwyntiau gwahanol i'n gwaith.

Mae Llais yn darparu ystod lawn o fuddion i staff gan gynnwys:

• 28 diwrnod o wyliau blynyddol (yn codi i 34 diwrnod gyda hyd wasanaeth) ynghyd â gwyliau statudol - pro rata ar gyfer gweithwyr rhan-amser
• Cyflog cystadleuol
• Gweithio hyblyg
• Aelodaeth awtomatig o gynllun pensiwn y GIG
• Mynediad i'r Rhaglen Cymorth i Weithwyr, gan gynnwys ein gwasanaeth cwnsela cyfrinachol

Disgrifiad Swydd Prif Gyfrifoldebau

Mae disgrifiad swydd llawn a manyleb person wedi'u hatodi i'r hysbyseb hon, adolygwch hyn cyn cyflwyno eich cais.

Os ydych chi am wynebu'r her a bod eisiau bod yn rhan bwysig o wneud gwahaniaeth gwirioneddol i wasanaethau iechyd a gofal cymdeithasol yng Nghymru, ac os oes gennych unrhyw ymholiadau neu os hoffech drafod y swydd hon, cysylltwch â: Michelle Jones, [email protected]

Rydym yn croesawu ceisiadau yn Gymraeg a Saesneg. Ar ôl cofrestru a mewngofnodi ar wefan Trac, gallwch ddewis eich iaith ddewisol. 


Gwnewch gais nawr >>