Eisteddfod Genedlaethol Y Garreg Las 2026

Ymunwch â'r sgwrs ar wasanaethau iechyd a gofal cymdeithasol yn yr iaith Gymraeg, yn yr Eisteddol Genedlaethol

Bydd Llais a Mwy na Geiriau yn dathlu'r iaith yn yr Eisteddol Genedlaethol 2026 drwy lofnodi Addewid a Rennir a thrafodaeth gyhoeddus sy'n archwilio darpariaeth yr iaith Gymraeg mewn iechyd a gofal cymdeithasol. 

Bydd y sesiwn, "O bolisi i ymarfer: Gwneud y Cynnig Gweithredol yn realiti mewn iechyd a gofal cymdeithasol", yn dwyn ynghyd bobl â phrofiad byw, gweithwyr proffesiynol iechyd a gofal cymdeithasol, cynrychiolwyr cymunedol a sefydliadau partner i drafod sut y gall gwasanaethau'r iaith Gymraeg ddod yn rhan gyson o ofal bob dydd ledled Cymru. 

Gyda'n gilydd, byddwn yn archwilio'r hyn sy'n gweithio'n dda, yr heriau sy'n parhau, a chamau ymarferol a all helpu i droi ymrwymiadau polisi yn newid ystyrlon i unigolion a chymunedau. 

Dyddiad: Dydd Gwener 7 Awst 2026 

Amser: 1.30yp – 2.30yp 

Lleoliad: Stondin Mwy na Geiriau (101–105), yr Eisteddol Genedlaethol, Llantwd, Ceredigion 

Mae'r drafodaeth ar agor i bob mynychwr yr Eisteddol sydd â diddordeb mewn gwella darpariaeth yr iaith Gymraeg mewn iechyd a gofal cymdeithasol.  

Byddwch hefyd yn gallu dod o hyd i dîm Llais drwy gydol yr eisteddfod ar stondin 917, lle byddwn yn gwrando ar brofiadau, barn a syniadau pobl am wasanaethau iechyd a gofal cymdeithasol yng Nghymru.