Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau

 

Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Eiriolaeth Cwynion

Rydym yn darparu gwasanaeth i helpu pobl yng Nghymru i wneud cwynion am y GIG neu ofal cymdeithasol. Gelwir hyn yn "eiriolaeth cwynion." Dyma sut mae'n gweithio:

Pwy all ddefnyddio eiriolaeth cwynion Llais?

  • oedolion, pobl ifanc, neu blant yng Nghymru sydd â chwyn am y GIG
  • oedolion yng Nghymru sydd â chwyn am ofal cymdeithasol
  • efallai y bydd angen i blant neu bobl ifanc o dan 25 oed sydd â chwynion gofal cymdeithasol ddefnyddio gwasanaeth eiriolaeth gwahanol drwy'r gwasanaethau cymdeithasol

Beth all eiriolwyr cwynion Llais ei wneud i helpu?

  • eich helpu i ddarganfod ai ni yw'r gwasanaeth cywir ar gyfer eich cwyn
  • darparu gwybodaeth mewn fformatau gwahanol, fel Hawdd ei Ddarllen neu Braille
  • trefnu cyfarfod preifat i siarad am eich pryderon, fel arfer yn eich swyddfa Llais agosaf
  • gwrando ar eich pryderon a rhoi cyngor annibynnol ar eich opsiynau.
  • eich trin â pharch a rhoi gwybod i chi am eich achos

Beth na all eiriolwyr cwynion ei wneud?

• ymchwilio i gwynion ein hunain
• rhoi cyngor meddygol neu ofal cymdeithasol
• gwneud penderfyniadau ar eich rhan neu fynychu cyfarfodydd ar eich rhan
• cyflymu eich triniaeth neu ofal
• darparu cwnsela neu wasanaeth 24 awr
• cadw gwybodaeth yn gyfrinachol os oes risg o niwed i chi neu eraill

Beth allwch chi ei wneud i helpu gyda'ch achos?

• gwneud y penderfyniadau terfynol am eich cwyn
• diweddaru ni gyda gwybodaeth newydd neu newidiadau
• cadw mewn cysylltiad rheolaidd â ni.

Os oes ein hangen arnoch chi, rydyn ni yma i helpu i'ch arwain chi drwy'r broses gwyno iechyd a gofal cymdeithasol.

Sut mae gwneud cwyn am y GIG?

Yn GIG Cymru, yr enw ar y broses ar gyfer gwneud cwyn yw Gweithio i Wella.

Os na allwch ddatrys y broblem gyda'r bobl sy'n darparu eich gofal, gallwch wneud cwyn i dîm cwynion y GIG ar gyfer eich Bwrdd Iechyd. Dylai'r tîm ymateb o fewn 30 diwrnod gwaith ar ôl derbyn eich cwyn. Os na allant wneud hynny, dylent ddweud pam wrthych a rhoi dyddiad newydd i chi ar gyfer disgwyl ymateb.

Sut mae gwneud cwyn am ofal cymdeithasol?

Mae cwynion am ofal cymdeithasol yn dilyn Trefn Gwyno'r Gwasanaethau Cymdeithasol. Maen nhw'n ceisio trwsio pethau'n anffurfiol yng ngham 1 (datrysiad lleol). Os yw'r mater yn fwy cymhleth, bydd ymchwiliad ffurfiol yng ngham 2 yn cael ei gynnal gan ymchwilydd annibynnol.

Pa mor hir sydd gennyf i wneud cwyn?

• Ar gyfer cwynion GIG, mae gennych 12 mis o'r adeg y digwyddodd y mater, neu pan ddaethoch i wybod am y tro cyntaf, i wneud cwyn. Mae'n well ei godi cyn gynted â phosibl. Os oes mwy na 12 mis wedi mynd heibio, siaradwch â'r tîm cwynion - efallai y byddant yn dal i helpu os oes gennych reswm da dros yr oedi.
• Ar gyfer cwynion gofal cymdeithasol yng ngham 1, dylech gael ymateb o fewn 15 diwrnod gwaith. Ar gyfer cam 2, dylai’r ymateb ddod o fewn 25 diwrnod ar ôl i’r awdurdod lleol gytuno ar yr hyn y mae angen ymchwilio iddo.

Oes angen i chi wneud cwyn am iechyd neu ofal cymdeithasol? Cysylltwch â'ch tîm eiriolaeth cwynion lleol, annibynnol Llais yma.