Adroddiadau
Mae Llais yn annog ac yn cefnogi pobl i gael llais wrth ddylunio, cynllunio a darparu gwasanaethau GIG a gofal cymdeithasol.
Rhannwch eich adborth gyda ni i roi gwybod i ni am eich profiadau, a sut rydych chi'n teimlo bod gwasanaethau'r GIG a gofal cymdeithasol yn dod ymlaen. Bydd eich adborth yn helpu i wneud gwahaniaeth.
Mae ein hadroddiadau yn nodi’r hyn yr ydym wedi’i glywed a beth yw barn pobl am wasanaethau ledled Cymru.
Byddant yn ymwneud â'r pethau yr ydych wedi dweud wrthym sy'n bwysig i chi.
O 1 Ebrill 2023, disodlodd Llais y saith Cyngor Iechyd Cymuned sydd wedi cynrychioli buddiannau pobl yn y GIG yng Nghymru ers bron i 50 mlynedd.
Sbotolau ar iechyd a gofal cymdeithasol gwledig yng Nghymru
Mae Llais wedi bod yn clywed gan lawer o bobl mewn ardaloedd gwledig ledled Cymru sydd wedi rhannu'r hyn maen nhw'n ei weld fel cryfderau ond hefyd yr anawsterau o ran cael mynediad at ofal iechyd a gofal cymdeithasol. Gyda thua 1 o bob 3 o bobl yng Nghymru yn byw mewn ardaloedd sydd wedi'u dosbarthu fel rhai gwledig, mae'n bwysig bod y lleisiau hyn yn cael eu clywed a bod gweithredu arnynt er mwyn osgoi anghydraddoldebau iechyd pellach.
Adroddiad Blynyddol a Chyfrifon 2024-2025
Yn ein hail flwyddyn, mae Llais wedi cynyddu ei rôl fel llais annibynnol y bobl ym maes iechyd a gofal cymdeithasol drwy glywed gan fwy na 40,000 o bobl ledled Cymru. O wasanaethau mamolaeth a gofal brys i gefnogaeth i ofalwyr a mynediad at ddeintyddiaeth, mae pobl wedi rhannu eu profiadau gyda gonestrwydd, brys a gobaith. Y tu ôl i bob llais mae stori, a thu ôl i bob stori mae gwers i’w dysgu neu alwad i weithredu.
Ac rydym wedi gweithredu. Mae’r adroddiad hwn yn rhoi darlun clir o’n gwaith a’n heffaith.