Adroddiadau

Yn ein hail flwyddyn, mae Llais wedi cynyddu ei rôl fel llais annibynnol y bobl ym maes iechyd a gofal cymdeithasol drwy glywed gan fwy na 40,000 o bobl ledled Cymru. O wasanaethau mamolaeth a gofal brys i gefnogaeth i ofalwyr a mynediad at ddeintyddiaeth, mae pobl wedi rhannu eu profiadau gyda gonestrwydd, brys a gobaith. Y tu ôl i bob llais mae stori, a thu ôl i bob stori mae gwers i’w dysgu neu alwad i weithredu.

Ac rydym wedi gweithredu. Mae’r adroddiad hwn yn rhoi darlun clir o’n gwaith a’n heffaith.

Rydym wedi bod yn gweithredu yng Nghymru ers 1 Ebrill 2023. Mae ein hymateb yn tynnu ar yr hyn rydyn ni wedi'i glywed gan bobl am eu profiadau o wasanaethau iechyd a chymdeithasol yn ystod y cyfnod hwn. Mae'n adlewyrchu ein rôl o ran cefnogi pobl drwy eiriolaeth cwynion, ein gweithgareddau ymgysylltu ehangach, a gwneud cynrychioliadau i wasanaethau. Mae hyn yn cynnwys diogelu, gwasanaethau cymorth ac integreiddio systemau.

Wrth ddatblygu ein hymateb i'r ymgynghoriad hwn, rydym wedi ymgynghori â'n timau ymgysylltu â'r cyhoedd, a'n gwasanaeth eiriolaeth cwynion.

Yn gynharach eleni, fe wnaethon ni ymateb i ymgynghoriad Llywodraeth Cymru ynghylch Cod Ymarfer newydd. Mae'r Cod hwn yn nodi sut y dylai cynghorau, byrddau iechyd ac ymddiriedolaethau'r GIG wirio ansawdd gwasanaethau gofal, delio â phroblemau, a rheoli cau gwasanaethau.