Adroddiadau

Mae ein gwaith yn cwmpasu llawer o feysydd - rydym yn casglu adborth am eich profiadau, yn hyrwyddo gwelliannau yn ansawdd gwasanaethau ac yn cefnogi pobl i godi pryderon. Un agwedd bwysig ar ein gwaith yw sicrhau bod eich barn yn cael ei chlywed pan fydd newidiadau i wasanaethau yn cael eu hystyried.

Mae Llais yn croesawu cyhoeddi adroddiad y Grŵp Cynghori Gweinidogol (MAG) ar Berfformiad a Chynhyrchiant GIG Cymru, a chynllun gweithredu manwl Llywodraeth Cymru mewn ymateb. 

Rydym yn gweld hyn fel moment pwysig ar gyfer dyfodol iechyd a gofal yng Nghymru.

Mae'r dogfennau hyn yn nodi her glir i'r GIG yng Nghymru i symud o uchelgais i gyflawni, rhywbeth y mae pobl ledled Cymru wedi bod yn gofyn amdano.

Mae’r ddogfen hon yn nodi strategaeth a fframwaith polisi Llais1 ar gyfer rheoli risg, ac mae’n amlygu y bydd y sefydliad gydag amser yn symud tuag at fodel sydd hefyd yn cynnwys ac yn defnyddio fframweithiau gweithredu cadarnhaol sy’n seiliedig ar gryfderau i gynorthwyo Llais i gyflawni ei nodau ac amcanion cytunedig.

Mae Fframwaith Sicrwydd Bwrdd Llais yn gweithredu fel mecanwaith allweddol i roi hyder i’r Bwrdd fod y sefydliad yn gweithio’n effeithiol tuag at ei nodau strategol, a’i fod yn glir ynghylch y risgiau o beidio â chyflawni’r nodau strategol hyn. Mae’n canolbwyntio ar gyflawni strategaeth 3 blynedd Llais a chynlluniau blynyddol ategol. Mae’r cynlluniau blynyddol yn manylu ynghylch nodau ac amcanion y sefydliad, yr adran a’r timau dros gyfnod o 12 mis. Mae’r cynlluniau hyn yn ceisio gwireddu gweledigaeth Strategaeth Llais. Bydd yn ofynnol i’r Bwrdd gytuno ar Gynlluniau Blynyddol erbyn 31 Mawrth bob blwyddyn.